Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögn og texta skilaði 25108 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Tyrkneska félagið festi kaup á nígeríska framherjanum Victor Osimhen fyrir metfé í kvöld en hann kemur til félagsins frá Napoli. Þúsundir manna tóku á móti Osimhen á flugvellinum sem skrifaði undir langtímasamning.
Dalvík/Reynir hefur sótt hinn afar öfluga Nikola Kristinn Stojanovic frá KFA.
Portúgalski bakvörðurinn Nelson Semedo hefur ákveðið að kveðja Úlfana eftir að samningur hans rann út. Samningurinn rann út fyrir mánuði síðan en Úlfarnir hafa haldið í þá von að hann myndi endursemja, en svo gerðist ekki.
Sunna Rún Sigurðardóttir er gengin í raðir Breiðabliks en hún er keypt til Íslandsmeistaranna frá uppeldisfélaginu sínu, ÍA. Fótbolti.net fjallaði um áhuga stórliðanna, Vals og Breiðabliks, í síðustu viku og í dag tilkynnti ÍA um sölu á leikmnaninum. Sunna Rún er fædd árið 2008, hún er unglingalandsliðskona sem spilar á miðjunni. Hún hefur skorað eitt mark í níu leikjum í Lengjudeidinni á þessu tímabili.
Andri Fannar Baldursson var rétt í þessu kynntur sem nýr leikmaður Kasimpasa í tyrknesku úrvalsdeildinni. Hann er keyptur frá ítalska félaginu Bologna þar sem hann hefur verið frá árinu 2019. Bologna nýtti sér ákvæði í samningi Andra Fannars í síðasta mánuði áður en hann rann út, við það framlengdist samningur hans við félagið um ár til viðbótar og því þurfti að kaupa hann frá Bologna. Miðjumaðurinn skrifar undir þriggja ára samning við tyrkneska félagið. Liðið endaði í 10. sæti deildarinnar í fyrra. Andri lék alls 16 leiki fyrir Bologna á tíma sínum þar. Hann var lánaður í þrígang frá félaginu, fyrst til FCK í Danmörku, svo til NEC Nijmegen í Hollandi og svo til Elfsborg í Svíþjóð þar sem hann var lengst. Hann sneri aftur til Bologna frá Elfsborg í lok síðasta árs, þurfti að fara í aðgerð og var fyrri hluta þessa árs að jafna sig eftir hana.
Sunderland hefur gengið frá kaupum á svissneska miðjumanninum Granit Xhaka, fyrrum leikmanni Arsenal. Xhaka, sem verður 33 ára í september, skrifaði undir þriggja ára samninga við nýliða ensku úrvalsdeildarinnar. Hann var sjö ár hjá Arsenal áður en hann gekk í raðir Bayer Leverkusen 2023. <i>„Ég er mjög stoltur af því að vera hér. Ég var spenntur þegar ég ræddi við félagið og fann kraftinn og hugarfarið sem allt starfsfólk og leikmenn eru með,"</i> segir Xhaka sem mun klæðast treyju númer 34 hjá Sunderland.
Bayern München hefur keypt kólumbíska landsliðsmanninn Luis Díaz frá Liverpool fyrir 65,5 milljónir punda. Díaz er 28 ára og hefur skrifað undir fjögurra ára samning við Þýskalandsmeistarana. Liverpool hafði hafnað 58,6 milljóna punda tilboði fyrr í þesum mánuði en tók endurbættu boði og gaf Díaz leyfi til að fara í læknisskoðun.
Everton er búið að ganga frá kaupum á vinstri bakverðinum Adam Aznou sem er 19 ára gamall og kemur úr röðum Þýskalandsmeistara FC Bayern.
Napoli tilkynnti það um helgina að serbneski markvörðurinn Vanja Milinkovic-Savic er kominn til félagsins.
Danska stórveldið FC Nordsjælland er búið að ganga frá kaupum á Rebekku Sif Brynjarsdóttur úr röðum Gróttu en hún er aðeins 16 ára gömul.
Manchester City er búið að ganga frá kaupum á James Trafford sem snýr aftur í herbúðir félagsins eftir tveggja ára fjarveru.
Danny Röhl hefur yfirgefið Sheffield Wednesday eftir tæplega tvö ár við stjórnvölinn í sínu fyrsta starfi sem aðalþjálfari.
Íslandsvinurinn Asmir Begovic er ekki á þeim buxunum að hætta strax en hann hefur núna samið við Leicester. Leicester féll úr ensku úrvalsdeildinni á síðustu leiktíð og spilar í Championship-deildinni á komandi tímabili.
Pétur Theodór Árnason er mættur aftur í uppeldisfélagið Gróttu og er kominn með leikheimild með liðinu fyrir leikinn gegn Dalvík/Reyni sem fram fer á Dalvík á morgun. Pétur Theodór er mikill markaskorari en hefur verið mjög óheppinn með hnémeiðsli á sínum ferli. Hann lék fyrri hluta tímabilsins með Kríu, venslaliði Gróttu, í 4. deildinni og skoraði sjö mörk í sjö leikjum.
Grindavík hefur fengið hægri bakvörðinn Terry Lartey Sanniez í sínar raðir. Á Transfermarkt var hann síðast skráður í NEC Nijmegen árið 2023 og ekki með skráð félagaskipti eftir það. Hann hefur hins vegar spilað neðri deildar fótbolta í Amsterdam, eitthvað sem ekki er skráð á Transfermarkt.
Portúgalinn Joao Felix er genginn í raðir Al-Nassr í Sádi-Arabíu. Hann kemur þangað frá Chelsea fyrir 30 milljónir evra. Upphæðin gæti svo hækkað í 50 milljónir evra síðar meir. Samningur Felix við Al-Nassr gildir til ársins 2027.
Jóhannes Kristinn Bjarnason er genginn í raðir danska félagsins Kolding og skrifar hann undir samning þar til 2029. Faðir hans, Bjarni Guðjónsson, birtir mynd af Jóhannesi þar sem hann er mættur í æfingafatnað frá Kolding. Á myndinni er hann að skrifa undir samninginn.
Ali Al-Mosawe hefur verið lánaður frá Víkingi til Njarðvíkur út þetta tímabil. Hann er kominn með leikheimild en Njarðvík leikur gegn HK í Lengjudeildinni í kvöld.
Jan Bednarek er genginn til liðs við Porto frá Southampton. Bednarek er 29 ára gamall pólskur miðvörður en hann hefur verið í herbúðum Southampton frá 2017. Hann gekk til liðs við félagið frá Lech Poznan.
Roma hefur staðfest komu Wesley Franca frá Flamengo. Franca er hægri vængbakvörður. Hann er 21 árs gamall en hann lék yfir 100 leiki fyrir Flamengo.