Keflvíkingurinn Ari Steinn Guðmundsson er farinn frá uppeldisfélaginu en þetta staðfesti félagið á samfélagsmiðlum sínum á dögunum.
Ari Steinn er 29 ára gamall sóknarsinnaður leikmaður sem hóf meistaraflokksferil sinn með Keflvíkingum en lék einnig með Njarðvík og Víði áður en hann sneri aftur heim í Keflavík árið 2024.
Hann samdi þá til tveggja ára og hjálpaði liðinu að komast upp í Bestu deildina í sumar.
Ari er nú farinn frá Keflavík en félagið þakkar honum kærlega fyrir hans framlag og óskar honum góðs gengis í framtíðinni.
Þrettán ár eru síðan hann lék sinn fyrsta meistaraflokksleik og eru þeir nú 185 talsins ásamt 39 mörkum.
Athugasemdir
