Bikarmeistarar Vestra hafa fengið til sín danska miðjumanninn Imran Mehanovic frá Brönshöj BK í Danmörku.
Imran er 22 ára stór og sterkur leikmaður sem er einig mjög góður tæknilega.
Hann ólst upp hjá Esbjerg en hefur einnig leikið með Kolding, Horsens, Skive og Hellerup. Alls á hann 72 meistaraflokksleiki og sjö mörk.
Miðjumaðurinn kom til Ísafjarðar á sunnudaginn síðasta og er klár í undirbúningstímabilið.
Vestri féll niður í Lengjudeildina síðasta haust en mun spila í forkeppni Evrópudeildarinnar í sumar eftir að hafa unnið bikarmeistaratitilinn.
