Lazio seldi Taty Castellanos til West Ham og Mattéo Guendouzi til Fenerbahce fyrir tæpar 60 milljónir evra. Félagið var ekki lengi að finna nýja menn í þeirra stað fyrir talsvert lægri upphæð.

Kenneth Taylor mun berjast um byrjunarliðssæti á miðjunni. Hann er 23 ára gamall Hollendingur sem hefur verið lykilmaður í liði Ajax síðustu ár.

Taylor gerir fjögurra og hálfs árs samning við Lazio sem borgar 15 milljónir evra fyrir. Taylor er með 5 landsleiki að baki fyrir Holland og er fjölhæfur miðjumaður þar sem hann er bæði sterkur varnar- og sóknarlega. Hann kom að 23 mörkum í 52 leikjum með Ajax á síðustu leiktíð en hefur átt nokkuð erfitt uppdráttar á fyrri hluta yfirstandandi tímabils.

Taylor á að leysa verkefni Guendouzi af hólmi og lék hann næstum allan leikinn í naumum sigri gegn Verona um síðustu helgi.

Framherjinn efnilegi Petar Ratkov er einnig kominn til félagsins og kom hann inn af bekknum í sigrinum gegn Verona.

Ratkov er 22 ára Serbi sem hefur verið mjög umtalaður undanfarin misseri eftir góða frammistöðu með RB Salzburg.

Ratkov kom að 15 mörkum í 29 leikjum með Salzburg á fyrri hluta tímabils og kaupir Lazio hann fyrir 13 milljónir evra. Hann var á dögunum rétt fyrir ofan Orra Stein Óskarsson á lista yfir verðmætustu ungu sóknarmenn Evrópu.

Ratkov semur einnig til júní 2030.

   03.06.2024 11:00

Orri Steinn meðal verðmætustu ungu sóknarmanna Evrópu

Smelltu hér til að kaupa áskrift að Livey