Davíð Kristján Ólafsson er genginn í raðir gríska félagsins Larissa sem kaupir hann frá Cracovia í Póllandi. Fótbolti.net sagði frá áhuga Larissa í síðustu viku.
Þessi 31 árs gamli vinstri bakvörður semur við Larissa út tímabilið eftir að hafa spilað síðustu tvö ár í Póllandi.
Davíð hóf feril sinn hjá Breiðabliki þar sem hann lék 83 leiki í efstu deild en hann samdi við Álasund í byrjun árs 2019. Árið 2021 var hann frábær er Álasund kom sér upp í efstu deild Noregs.
Eftir tímabilið fór hann til Kalmar í Svíþjóð og spilaði þar stóra rullu til 2024 er hann samdi við Cracovia.
Davíð á 15 A-landsleiki fyrir Íslands hönd og eitt mark sem hann gerði í 7-0 stórsigrinum á Liechtenstein fyrir þremur árum.
AEL Larissa er í næst neðsta sæti grísku úrvalsdeildarinnar með 10 stig eftir sextán umferðir. Þar hittir hann Yanni Atanasov, fyrrum samherja frá Cracovia, en hann gekk í raðir félagsins á síðasta ári.
? ??? ??? ?????????? ??? ???????? ??? 31?????? ???????? ????????? ???? Davíd Kristján Ólafsson, ? ?????? ???????? ????????? ????? ?? ????? ??? ?????.
— CrimsonHub (@crimson_hub1) January 12, 2026
?????????? Davíd! pic.twitter.com/aTbGWVbXZz
Athugasemdir
