Chelsea 4-3 Manchester Utd
1-0 Conor Gallagher ('4 )
2-0 Cole Palmer ('19 , víti)
2-1 Alejandro Garnacho ('34 )
2-2 Bruno Fernandes ('39 )
2-3 Alejandro Garnacho ('67 )
3-3 Cole Palmer ('90, víti)
4-3 Cole Palmer ('90 )
Það var magnaður leikur á Stamford Bridge í kvöld þegar Chelsea fékk Manchester United í heimsókn.
Heimamenn byrjuðu leikinn betur en Conor Gallagher kom liðinu yfir strax á fjórðu mínútu. Cole Palmer hefur verið frábær fyrir liðið á tímabilinu en hann bætti örðu markinu við úr vítaspyrnu eftir að Antony braut á Marc Cucurella.
United menn gáfust ekki upp en Alejandro Garnacho minnkaði muninn. Hann komst inn í slæma sendingu frá Moises Caicedo og komst einn í gegn og skoraði.
Bruno Fernandes jafnaði síðan metin þegar hann skallaði boltann í netið eftir fyrirgjöf frá Diogo Dalot.
Liðin sóttu til skiptis í upphafi síðari hálfleiks en það var Garnacho sem tókst að skora sitt annað markið sitt í leiknum og kom United yfir eftir laglega sendingu frá Antony.
Leiknum var alls ekki lokið en á síðustu mínútunni í uppbótatíma fékk Chelsea aðra vítaspyrnuna í leiknum þegar Diogo Dalot braut klaufalega á Noni Madueke. Palmer steig aftur á punktinn og skoraði.
Palmer tryggði síðan Chelsea ótrúlegan sigur þegar skot hans fór af Scott McTominay og í netið á lokasekúndum leiksins.
