Romero skoraði fyrra mark Tottenham í leiknum og var honum hrósað sérstaklega fyrir baráttuandann í leiknum.

Postecoglou var greinilega ekki hrifinn af öllum þeim sem spiluðu þennan leik en hann hrósaði ekki bara Romero heldur skaut á nokkra aðra leikmenn í leiðinni.

„Algerlega stórkostlegur og með hugarfar leikmanns sem hefur unnið HM. Ég verð að koma því sem hann hefur yfir í nokkra af hinum strákunum,“ sagði Postecoglou.

Vonir Tottenham um að komast í Meistaradeild á næstu leiktíð fara minnkandi. Aston Villa er í 4. sætinu með 7 stiga forystu en Tottenham á tvo leiki til góða.

Tottenham á hins vegar eftir að mæta Chelsea, Liverpool, Manchester City og Newcastle United en þrír þeirra eru spilaðir á útivelli.