Hollenski bakvörðurinn Denzel Dumfries skemmti sér konunglega er hann fagnaði ítalska meistaratitlinum með liðsfélögum sínum í Inter í gær.
Inter vann ítölsku deildina með því að vinna nágranna sína í Milan, 2-1, á mánudag.
Liðið ákvað síðan að fagna afrekinu eftir 2-0 sigurinn á Torino í gær en þúsundir stuðningsmanna fögnuðu með liðinu í Mílanó-borg, þar sem það var sungið og trallað fram eftir öllu.
Í titilfögnuðinum fékk Dumfries afhent plakat með mynd af sér og Theo Hernandez, leikmanni Milan, en Dumfries heldur í ól sem er bundin við Hernandez. Myndin er úr tölvuleiknum Grand Theft Auto 5, en hefur verið notuð sem farandbrandari síðustu ár.
Þeim hefur oft lent saman í leikjum Inter og Milan, en það gerðist bara síðast á mánudag þar sem þeir tóku hvorn annan hálstaki og uppskáru báðir rautt spjald fyrir.
?????? Inter's Denzel Dumfries holding up a poster of him chaining up Theo Hernandez during title celebrations! ???? pic.twitter.com/1jWDToJxX3
— EuroFoot (@eurofootcom) April 28, 2024
Athugasemdir