Lengjudeild kvenna hefst næsta sunnudag og erum við á Fótbolta.net á fullu að birta spá þjálfara og fyrirliða fyrir mótið. Selfossi er spáð sjöunda sæti deildarinnar.
Unnur Dóra Bergsdóttir er fyrirliði og algjör lykilkona í ungu liði Selfoss í sumar. Unnur Dóra, sem er fædd árið 2000, ólst upp hjá Selfossi og hefur leikið allan sinn feril með félaginu. Hún á að baki 145 leiki fyrir Selfoss og hefur í þeim skorað 15 mörk.
Í sýnir Unnur Dóra á sér hina hliðina.
Unnur Dóra Bergsdóttir er fyrirliði og algjör lykilkona í ungu liði Selfoss í sumar. Unnur Dóra, sem er fædd árið 2000, ólst upp hjá Selfossi og hefur leikið allan sinn feril með félaginu. Hún á að baki 145 leiki fyrir Selfoss og hefur í þeim skorað 15 mörk.
Í sýnir Unnur Dóra á sér hina hliðina.
Fullt nafn: Unnur Dóra Bergsdóttir
Gælunafn: Unnsa er vinsælt
Aldur: 24. á þessu ári
Hjúskaparstaða: Pikkföst
Hvenær lékstu þinn fyrsta leik með meistaraflokki og er eitthvað minnistætt úr leiknum: Ætli það sé ekki undirbúningstímabilið 2015, man samt ekki hvaða lið við vorum að spila við en það var pottþétt skemmtilegt
Uppáhalds drykkur: Rauður og blár Collab og Pepsi max
Uppáhalds matsölustaður: Tokyo Sushi
Hvernig bíl áttu: Kia Ceed, gæti ekki beðið um betri bíl til að fara á yfir heiðina fögru daglega
Áttu hlutabréf eða rafmynt: Neib ekkert þannig
Uppáhalds sjónvarpsþáttur: Er að byrja á Modern Family í þriðja skiptið síðan í desember held ég
Uppáhalds tónlistarmaður: Baggalútur, sérstaklega jólalögin þeirra
Uppáhalds hlaðvarp: Illverk
Uppáhalds samfélagsmiðill: Verð að segja TikTok
Fyrsta síðan sem þú ferð á þegar þú opnar netið: .net eða Globle
Fyndnasti Íslendingurinn: Saga Garðars
Hvernig hljómar síðasta sms sem þú fékkst: “omw” – Karitas Tómasdóttir
Hvaða liði myndir þú aldrei spila með: Útiloka ekkert
Besti leikmaður sem þú hefur mætt: Ifeoma Omumonu þegar við tókum æfingaleik við nígeríska landsliðið á Spáni 2018.
Besti þjálfarinn sem hefur þjálfað þig: Bjössi er ofarlega
Mest óþolandi leikmaður sem þú hefur mætt: Við Þóra Jóns erum með alltof líkt skap þannig okkur lendir stundum saman, erum samt bestu vinkonur
Hver var fyrirmyndin þín í æsku: Sif Atladóttir
Sætasti sigurinn: Meistari meistaranna 2020
Mestu vonbrigðin: Að falla í fyrra, erfitt í hjartað
Uppáhalds lið í enska: Þoli ekki þessa spurningu í augnablikinu þar sem mínum mönnum er ekki að ganga nógu vel en það er Manchester United
Ef þú fengir að velja einn leikmann úr öðru íslensku liði í þitt lið: Vil fá Kristrúnu aftur heim.
Efnilegasti knattspyrnumaður/kona landsins: Auður Helga
Fallegasti knattspyrnumaðurinn á Íslandi: Viktor Karl
Fallegasta knattspyrnukonan á Íslandi: Karitas í Blix
Besti knattspyrnumaðurinn frá upphafi: Sif Atladóttir
Hver er mesti höstlerinn í liðinu: Karen leynir á sér
Uppáhalds staður á Íslandi: Líður alltaf vel á Selfossi, Hella er líka ofarlega.
Segðu okkur frá skemmtilegu atviki sem gerst hefur í leik: Sparkaði boltanum í burtu og átti að fá gult spjald, dómarinn henti samt rauðu á mig og áttaði sig ekki strax á því, var bara 16 ára og tárin voru farin að streyma áður en hann dróg það tilbaka og gaf mér bara gult.
Ertu með einhverja hjátrú tengda fótbolta: Nei ekkert þannig
Fyrir utan knattspyrnu, fylgist þú með öðrum íþróttum: Handboltanum aðeins, annars er ég alltof léleg í því.
Í hvernig fótboltaskóm spilar þú: Puma King
Í hverju varstu/ertu lélegastur í skóla: Stærðfræði
Vandræðalegasta augnablik: Ætlaði einhverntíman að keyra í Karitas og taka boltann af henni á æfingu, hljóp á vegg og lenti harkalega á rassinum á meðan hún haggaðist ekki.
Hvaða þrjá leikmenn tækir þú með þér á eyðieyju og af hverju: Ég myndi taka Kristrúnu Rut til að búa til föt á okkur svo við myndum nú ekki frjósa. Þóra Jóns er sennilega með helmingi hærri greindavísitölu en ég þannig þarf að hafa hana með og Karitas má koma með til að klifra upp í tré að ná í kókoshnetur fyrir okkur að borða.
Hvern í liðinu þínu myndirðu velja til að taka þátt í sjónvarpsþáttaröð: Ég myndi velja Evu Lind í Survivor, hef fulla trú á því að hún myndi rústa öllum
Sturluð staðreynd um sjálfan þig: Ég er það útskeif að þegar tærnar mínar vísa beint fram þá vísa hnén inn en þegar ég stend útskeift þá eru hnén venjuleg.
Hvaða samherji hefur komið þér mest á óvart eftir að þú kynntist honum og af hverju: Katrín Ágústsdóttir er algjör meistari, var lengi í skelinni sinni en eftir að hún kom úr henni er hún með besta banter sem ég veit um.
Hverju laugstu síðast: Örugglega að ég vissi hver einhver manneskja væri, nennti bara ekki að fara í nánari útskýringar um hvern væri að tala.
Hvað er leiðinlegast að gera á æfingum: Lyfta er það leiðinlegasta sem ég geri.
Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Myndi spyrja Ten Hag hvað hann er að hugsa að spila Antony svona mikið.
Athugasemdir