Saka er algjör lykilmaður í sóknarleik Arsenal og segir Arteta að staðan á honum verði skoðuð á æfingu í dag. Arteta segir að staðan á öðrum leikmönnum hópsins virðist vera góð.

Arsenal er í öðru sæti ensku úrvalsdeildarinnar og í harðri baráttu um Englandsmeistaratitilinn.

Afskaplega ánægður með Havertz
Á fundinum í morgun var Arteta einnig spurður út í Kai Havertz en Þjóðverjinn hefur verið að spila sem fölsk nía.

„Ég er afskaplega ánægður með hann. Hann kemur með mikil gæði í sóknarleikinn og er góður í að tengja saman línurnar. Hann leggur líka mikið á sig varnarlega og er vinnusamur. Hann mun reyna að bæta ofan á tölfræðina sína, hann er með mikla leikgreind," segir Arteta.

Miðjumaðurinn Thomas Partey byrjaði gegn Luton en vangaveltur hafa verið í gangi um að hann fari í sumar.

„Hann verður að vera með hugann við okkur því við förum fram á það. Við þurfum hann. Hann er toppleikmaður og það hefur sérst hvaða áhrif hann hefur á leiki."