Ísraelski landsliðsmaðurinn Manor Solomon verður ekki með Tottenham Hotspur á þessari leiktíð en þetta staðfesti Ange Postecoglou, stjóri félagsins, á blaðamannafundi í gær.
Solomon, sem er 24 ára gamall, kom til Tottenham á frjálsri sölu síðasta sumar en hann gerði þá fimm ára samning við Lundúnaliðið.
Hann spilaði sex leiki í byrjun tímabils, þar sem hann lagði meðal annars upp tvö mörk fyrir Heung-Min Son í 5-2 sigri á Burnley, stuttu síðar meiddist hann á hné í leik gegn Liverpool.
Vængmaðurinn hefur verið frá síðan en Postecoglou er ekki að gera ráð fyrir honum fyrr en á næsta tímabili. Markvörðurinn Fraser Forster og vængbakvörðurinn Ryan Sessegnon verða einnig frá út tímabilið.
„Manor Solomon mun líklega ekki spila meira á þessu tímabili. Hann er í endurhæfingu og sömu sögu er að segja af Forster og Sessegnon,“ sagði Postecoglou.
Athugasemdir