„Ég er gríðarlega svekktur fyrst og síðast," sagði Óli Stefán Flóventsson, þjálfari KA, eftir 4-0 tap gegn Breiðabliki í Pepsi Max-deildinni í kvöld.
Lestu um leikinn: Breiðablik 4 - 0 KA
„Ég er svekktur með það hvernig við mætum í leikinn. Það voru öll grunnatriði fótboltans ekki til staðar. Allt viðhorf og hugarfar var til skammar og ég er rosalega svekktur með það."
Eftir tvo góða leiki, jafntefli gegn ÍA og sigur gegn FH, tapaði KA í kvöld. KA-menn eru í fallsæti eftir 15 leiki spilaða.
„Þetta eru þrjú töpuð stig, við komum hingað til að fá eitthvað úr þessum leik. Sem betur er stutt í næsta verkefni þar sem að menn geta svarað fyrir sig. Til þess þurfa menn að lemja sig í andlitið og horfa á sjálfan sig í spegli, ég, teymið og leikmenn. Við þurfum að sjá til þess að menn séu tilbúnir í grunnvinuna, ef hún er ekki til staðar verður þetta alltaf erfitt."
Viðtalið má sjá hér að ofan.
Athugasemdir