Karius var keyptur í markið hjá Liverpool árið 2016 og átti hann að berjast við Simon Mignolet um stöðuna. Honum tókst aldrei að sannfæra Jürgen Klopp um að hann væri markvörður númer eitt.

Úrslitaleikur Meistaradeildar Evrópu á síðasta tímabili var sennilega versti leikur Karius frá upphafi. Hann gaf fyrsta markið er Karim Benzema skoraði og þá varði hann skot Gareth Bale í netið. Hann fékk þá höfuðhögg í leiknum en frammistaða hans eftir úrslitaleikinn hefur verið ævintýranleg.

Hann hefur spilað afar illa með Besiktas á tímabilinu en Senol Gunes getur ekki sett hann á bekkinn þar sem varamarkvörður liðsins er meiddur.

„Mörkin sem Karius fékk á sig voru honum að kenna og hann veit það. Hann hefur staðnað og það vantar allan kraft í hann. Það er eins og það vanti líka allan metnað í hann," sagði Senol Gunes.

„Þetta hefur verið svona frá því hann kom og honum líður ekki eins og hann sé partur af liðinu. Okkur hefur ekki tekist að vinna í þessu og það er að hluta til mér að kenna."

„Það er eitthvað að honum en hann hefur líka verið óheppinn. Þetta hefur bara ekki verið að ganga upp. Ef Tolga væri meiðslalaus þá myndi ég spila honum," sagði hann í lokin.

Karius still got it pic.twitter.com/WdBCNt4JpP

— GranKpitan (@grankpitan) March 10, 2019