Félagið er að vinna í því að bæta innviði sína og telja stjórnendur njósnateymið ekki vera nægilega gott.

Tottenham ætlar því að leyfa fimm af reyndustu njósnurunum sínum að róa á önnur mið og ráða nýja menn inn í staðinn sem stjórnin telur vera hæfari.

Ian Broomfield, Augusto Benito, Colin Jackson, Alessandro Sbrizzo og Dave Butler eru allir á útleið úr njósnateymi félagsins og má búast við fleiri breytingum á næstu mánuðum.

Tottenham ætlar að gera allt í sínu valdi til að vera samkeppnishæft í toppbaráttu enska boltans.