Willum Þór Willumsson skoraði í 3-0 sigri Go Ahead Eagles gegn Excelsior í hollensku úrvalsdeildinni í kvöld en þetta var sjöunda deildarmark hans á tímabilinu.
Blikinn er lykilmaður í liði Eagles og var maðurinn sem kom þeim í forystu í leiknum.
Hann var yfirvegaður er hann gerði fyrsta mark leiksins. Eagles hafði átt nokkur skot í sömu sókninni áður en boltinn barst á fjærstöng þar sem Willum var klár í að renna boltanum í netið.
Eagles er í 7. sæti deildarinnar með 40 stig og er að gera sér vonir um að komast í Evrópukeppni á næstu leiktíð.
Davíð Kristján Ólafsson, fyrrum samherji Willums í Breiðabliki, lagði þá upp eina mark Cracovia í 3-1 tapi gegn Pogon Szczecin i pólsku úrvalsdeildinni, Davíð gekk í raðir Cracovia frá Kalmar á dögunum, en hann hefur lagt upp tvö og skorað eitt í fyrstu þremur leikjum sínum.
Bakvörðurinn hefur komið öflugur inn í lið Cracovia sem er í 13. sæti deildarinnar.
Guðmundur Þórarinsson kom inn af bekknum hjá OFI Crete í markalausu jafntefli gegn Atromitos í grísku úrvalsdeildinni. Samúel Kári Friðjónsson sat allan tímann á varamannabekk Atromitos. Bæði lið leika í fallriðli deildarinnar en Atromitos er á toppnum í riðlinum með 32 stig en Crete í 4. sæti með 27 stig.
Jón Dagur Þorsteinsson kom inn af bekknum í síðari hálfleik í 2-1 tapi Leuven gegn Mechelen í Evrópuriðli belgísku deildarinnar. Leuven er í neðsta sæti riðilsins með 15 stig.
Lærisveinar Milosar Milojevic í Al-Wasl unnu Khorfakkan, 3-1, í úrvalsdeildinni í Sameinuðu arabísku furstadæmunum. Al-Wasl er með tíu stiga forystu á toppnum.
Een terechte voorsprong tegen een goed georganiseerd Excelsior. Absolute hoogtepunt van de ?@SfeerteamADHD? actie, maar de koelheid van Willumsson was goed voor de openingstreffer…#gaeexc pic.twitter.com/cwXpnlOY4s
— Erik (@ErikDeventer) March 30, 2024
Athugasemdir