Andy Robertson er ekki í leikmannahópi Liverpool í dag vegna meiðsla þegar liðið fær Brighton í heimsókn.
Hann meiddist lítillega á ökkla í landsliðsverkefninu á dögunum með skoska landsliðinu.
Jurgen Klopp stjóri Liverpool segir að Robertson sé heill á húfi en þétt dagskrá framundan kom í veg fyrir að hann hafi spilað leikinn í dag.
„Hann fékk grænt ljóst í gær, var alveg góður en við erum ekki að fara taka neinar áhættur þar sem við eigum annan leik á fimmtudaginn. Við verðum að halda eins mörgum leikmönnum í standi og við getum á þessum tímapunkti," sagði Klopp.
Athugasemdir
