Harry Kane, leikmaður Bayern München og enska landsliðsins, skoraði annað mark liðsins er hann kom því í 2-1 gegn Arsenal í Meistaradeild Evrópu í kvöld, en hann skrifaði sig um leið í sögubækurnar.
Það tók Arsenal aðeins tólf mínútur að taka forystuna á Emirates og venjulega þegar það gerist þá koma fleiri í kjölfarið en ekki í þetta sinn.
Serge Gnabry jafnaði metin gegn sínum gömlu félögum aðeins sex mínútum síðar og á 32. mínútu kom Kane liði Bayern yfir með marki úr vítaspyrnu eftir klaufalegt brot William Saliba á Leroy Sane.
Kane skoraði örugglega úr spyrnunni en þetta var sjötta mark hans á Emirates. Enginn leikmaður hefur skorað fleiri mörk gegn Arsenal á Emirates en Kane.
Staðan er enn 2-1 fyrir Bayern þegar hálftími er eftir af leiknum.
Harry Kane has now scored more goals against Arsenal at the Emirates than any other visiting player in the stadium's history (6).
— Squawka (@Squawka) April 9, 2024
Marking his return to North London with a record-breaking goal. ?#UCL pic.twitter.com/lRYI0uy9E3
Athugasemdir