Atlético Madrid lagði Borussia Dortmund að velli í 8-liða úrslitum Meistaradeildar Evrópu í gærkvöldi, með tveimur mörkum gegn einu.
Liðin eiga eftir að mætast aftur í Dortmund en Atlético fer inn í seinni leikinn með eins marks forystu eftir sigurinn í gær.
Það vekur athygli að þetta var sautjándi heimaleikur Atletico í útsláttarkeppni Meistaradeildar Evrópu undir stjórn Diego Simeone og hefur liðið ekki tapað einum einasta þeirra.
Af þessum 17 leikjum hefur Atletico unnið 11 og gert 6 sinnum jafntefli. Á sama tíma hefur liðið skorað 20 mörk og fengið aðeins 5 á sig.
Atlético endaði í öðru sæti Meistaradeildarinnar 2014 undir leiðsögn Simeone og svo aftur tveimur árum síðar.
Athugasemdir