Markalaust jafntefli var í leik Fylkis og Vals í Bestu deildinni í gær en Fylkir fékk kjörið tækifæri í fyrri hálfleik til að skora. Helgi Mikael Jónasson dómari dæmdi þá vítaspyrnu á Gísla Laxdal sem virtist hafa brotið á Halldóri Jóni Sigurði Þórðarsyni.
Þar sem fréttaritari sat í stúkunni virtist um klára vítaspyrnu að ræða og þannig leit það einnig út í beinni útsendingu í sjónvarpinu. Það kom því fáum á óvart þegar Helgi benti á punktinn.
Þar sem fréttaritari sat í stúkunni virtist um klára vítaspyrnu að ræða og þannig leit það einnig út í beinni útsendingu í sjónvarpinu. Það kom því fáum á óvart þegar Helgi benti á punktinn.
Lestu um leikinn: Fylkir 0 - 0 Valur
Í spilaranum að ofan má sjá röð ljósmynda Hafliða Breiðfjörð af atvikinu og þar virðist Gísli Laxdal einfaldlega komast í boltann áður en Halldór fer niður.
Mögulega var því réttlætinu fullnægt þegar Frederik Schram markvörður Vals varði vítaspyrnu miðvarðarins Orra Sveins Stefánssonar. Það kom mörgum á óvart að sjá Orra fara á punktinn. Benedikt Daríus Garðarsson er vítaskytta númer eitt hjá Fylki en hann var ekki með í kvöld.
„Orri er mjög sparkviss og ég var bara mjög hissa á því að hann hefði ekki skorað. Þetta var bara mjög dapurt víti, svo við tölum hreint út," sagði Olgeir Sigurgeirsson, aðstoðarþjálfari Fylkis, í viðtali eftir leik en það má sjá í heild hér að neðan.
Athugasemdir