Heimild: Vísir.is
Örvar Sær Gíslason dómari var meðal áhorfenda í Árbænum í gær þar sem Fylkir og KR áttust við. Þegar Valgeir Valgeirsson, sem dæmdi leikinn, meiddist var Örvar kallaður úr stúkunni og kláraði leikinn.
„KSÍ gerir breytingu á liði sínu..." tilkynnti vallarþulurinn í Árbænum þegar dómaraskiptin áttu sér stað.
„Ég var bara að horfa á leikinn. Ég vildi ekki vera í Laugardalnum og sitja í skugga. Ég vildi fá sól. Tan og fótbolti, er það ekki fínt?" sagði Örvar Sær í samtali við Vísi.is í morgun.
Örvar var ekki með neinn búnað með sér. „Ég var bara með Ray Ban- sólgleraugu," sagði Örvar sem fékk dómarabúninginn og skóna sem Valgeir klæddist,
„Ég hef aldrei lent í þessu áður og þetta var mjög skrítið. Um leið og Valgeir lagðist niður hugsaði ég: 'Andskotinn, ég hefði átt að fá mér bara einn hamborgara í kvöldmat.' Þetta slapp samt allt."
Örvar þótti standa sig vel eftir að hafa tekið við flautunni og sagði Ásmundur Arnarsson, þjálfari Fylkis, að þetta hefði verið besta skipting leiksins.
Athugasemdir