Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 17. maí 2010 20:50
Tryggvi Páll Kristjánsson
Heimild: Sky Sports 
Del Neri að taka við Juventus
Luigi Del Neri verður næsti þjálfari Juventus
Luigi Del Neri verður næsti þjálfari Juventus
Mynd: Getty Images
Mynd: Getty Images
Sampdoria hefur staðfest að þjálfari þeirra, Luigi Del Neri, sé á leið til Juventus. Juventus hefur verið að leita að nýjum þjálfara eftir að hafa rekið Ciro Ferrara í janúar, en Alberto Zaccheroni hefur stýrt liðinu síðan þá.

Það var fljótt ljóst að Zaccheroni yrði ekki við stjórnvölinn á næsta ári og Rafael Benitez stjóri Liverpool var í kjölfarið sterklega orðaður við Juventus.

En eftir að samningsviðræður við Benitez báru engan árangur snéru þeir sér að Del Neri.

,,Del Neri er að fara. Ég held að hann fari til Torino," sagði Riccardo Garrone forseti Sampdoria við ítalska fjölmiðla.

Yfirlýsing frá Sampdoria staðfesti síðan að Del Neri væri farinn frá Luigi Ferraris.

,,Sampdoria tilkynnir að fyrir 2010-2011 leiktímabilið mun liðið ekki vera með Luigi Del Neri sem þjálfara."

,,Félagið vill þakka þjálfaranum og starfsfólki hans fyrir fagmennskuna og hollustuna sem hann sýndi á þessu ári og óskar þeim góðs gengis í framtíðar störfum."


Del Neri, sem er 59 ára gamall, er aðeins búinn að stýra Sampdoria í eitt ár, en honum hefur gengið mjög vel, en hann stýrði liðinu í 4. sætið í deildinni og kom liðinu um leið í Meistaradeildina.

Del Neri, sem er fyrrum þjálfari Porto, Roma og Chievo, hefur nú ákveðið að taka við Juventus sem endaði í 7. sæti í ár.
banner
banner
banner
banner