Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   lau 09. nóvember 2019 19:20
Sigurður Eyjólfur Sigurjónsson
England: Vardy og Maddison sáu um Arsenal
Jamie Vardy kom Leicester yfir í leiknum, James Maddison skoraði annað markið.
Jamie Vardy kom Leicester yfir í leiknum, James Maddison skoraði annað markið.
Mynd: Getty Images
Leicester City 2-0 Arsenal
1-0 Jamie Vardy ('68 )
2-0 James Maddison ('75 )

Það fór fram stórleikur á King Power vellinum í Leicester í kvöld þegar heimamenn tóku á móti Arsenal. Fyrir leikinn var Leicester í 4. sæti með 23 stig en Arsenal sæti neðar með 17 stig.

Fyrri hálfleikurinn var nokkuð tíðindalítill á King Power vellinum en það dró til tíðinda í seinni hálfleik.

Á 68. mínútu kom fyrsta mark leiksins þegar Youri Tielemans kom boltanum til Jamie Vardy sem kom boltanum framhjá Leno í marki Arsenal og staðan orðin 1-0 fyrir heimamönnum.

Eftir að hafa unnið boltann við miðju vallarins sóttu Leicester menn hratt á Arsenal sem endaði með því að James Maddison hamraði boltanum í netið og staðan því orðin 2-0. Aðeins liðu sjö mínútur á milli markanna.

Niðurstaðan 2-0 sigur Leicester. Þetta er fjórði sigurleikur Leicester í deildinni í röð, þeir sitja nú í 2. sæti með 26 stig. Arsenal hefur hins vegar ekki náð í sigur í síðustu fjórum deildarleikjum og pressan á Unai Emery orðin mikil.


Athugasemdir
banner
banner
banner