Heimild: Sunnlenska.is
Viðar Örn er kominn aftur í Selfoss.
Framherjinn Viðar Örn Kjartansson er kominn í raðir Selfoss að nýju frá ÍBV en frá þessu var greint á vefnum Sunnlenska.is í kvöld.
Viðar sem er tvítugur lék er uppalinn hjá Selfoss þar sem hann lék síðast sumarið 2008 áður en hann fór til ÍBV.
Hann lék 17 leiki með ÍBV í Pepsi-deildinni í fyrra og skoraði í þeim tvö mörk auk þess sem hann skoraði eitt mark í einum bikarleik.
Í lok tímabilsins varð hann fyrir því óláni að slíta krossband í hné og síðan þá hefur hann ekkert spilað fótbolta.
Á vef Sunnlenska segist hann hinsvegar hafa byrjað að æfa fyrir mánuði síðan og sé farinn að sparka núna svo hann ætti að vera kominn í leikform eftir fjórar vikur.
Hann var samningsbundinn ÍBV en Selfoss fékk leyfi Eyjamanna til að ræða við hann og nú er hann kominn þangað.
