Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögn og texta skilaði 25102 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Benfica hefur ráðið Jose Mourinho sem stjóra til sumarsins 2027. Mourinho tekur við af Bruno Lage sem var rekinn eftir niðurlægjandi tap gegn Qarabag í Meistaradeildinni á þriðjudag. Það eru örfáar vikur síðan Mourinho var rekinn frá Fenerbahce, eftir einmitt að hafa tapað fyrir Benfica í forkeppni Meistaradeildarinnar.
Hin 16 ára gamla Thelma Björg Gunnarsdóttir er gengin í raðir Gróttu frá Sindra. Þetta kemur fram í tilkynningu Gróttu á Instagram.
John Andrews hefur verið ráðinn þjálfari meistaraflokks kvenna hjá KR næstu þrjú árin en KR-ingar tilkynna þetta á heimasíðu sinni í kvöld.
Borja Lopez Laguna hefur lagt skóna á hilluna en hann hefur leikið með Dalvík/Reyni síðustu sjö tímabil. Bor er 31 árs og lék 19 deildarleiki í sumar og skoraði þrjú mörk, eitt af þeim kom í leiknum gegn Víkingi Ólafsvík, síðasta leik ferilsins, síðasta laugardag. Hann hefur verið lykilmaður í liði Dalvíkur síðustu ár. Alls lék hann 162 KSÍ leiki með Dalvík/Reyni og skoraði 65 mörk. Hann var í liði ársins í 2. deild sumarið 2023 og liði ársins í 3. deildinni tímabilið á undan.
Alexander Aron Davorsson er hættur sem þjálfari Kára eftir tvö ár í starfi á Akranesi. Kári er venslalið ÍA, liðið vann 3. deildina í fyrra og endaði í 9. sæti 2. deildar í sumar eftir að hafa unnið síðustu tvo leiki sína. Alli segir við Fótbolta.net að hann ætli sér ekki að verða í meistaraflokksþjálfun á næsta tímabili, ætli sér að sinna fjölskyldunni betur eftir sjö ár í meistaraflokksþjálfun. <i>„Þetta er besti staður sem maður þjálfar á, sérstaklega gott að vinna með Andra Júl og Aroni Ými. Það er erfitt að hætta,"</I> segir Alli sem á líka eftir að sakna þess að spila golf með Sigga Jóns alla daga.
Leiknir í Breiðholti er komið í þjálfaraleit en ljóst er að Ágúst Gylfason verður ekki áfram þjálfari liðsins. Ágúst tók við Leikni í byrjun júní af Ólafi Hrannari Kristjánssyni sem var látinn taka pokann sinn. Ágúst, sem er með mikla reynslu úr þjálfun, tók við Leikni á botni Lengjudeildarinnar en náði því markmiði að halda liðinu í deildinni.
Toni Pressley, sem lék með Breiðabliki tímabilið 2023, er tekin við sem þjálfari U18 ára landsliðs kvenna í Bandaríkjunum. Toni lék 19 leiki með Blikum 2023 en fór svo í Mosfellsbæ þar sem hún var ráðin sem spilandi aðstoðarþjálfari í Lengjudeildinni. Toni þurfti að fara í krabbameinsmeðferð í annað sinn árið 2024 og spilaði því ekkert með Aftureldingu. Hún var líka aðstoðarþjálfari Aftureldingar á nýliðnu tímabili.
Benjamin Mendy, fyrrum leikmaður Manchester City, er genginn í raðir Pogon Szczecin í pólsku úrvalsdeildinni. Mendy er 31 árs vinstri bakvörður sem kemur á frjálsri sölu eftir að samningi hans við FC Zurich var rift í sumar. Mendy yfirgaf City árið 2023 þegar samningur hans við félagið rann út. Hann hafði verið ákærður fyrir nauðgun og kynferðisbrot en var sýknaður.
ÍR-ingurinn Reynir Haraldsson hefur lagt skóna á hilluna. Hann er þrítugur vinstri bakvörður sem lék lengstum með uppeldisfélaginu á sínum ferli. Hann lék einnig með HK, Létti og Fjölni á sínum ferli. Reynir lék 283 KSÍ leiki og skoraði í þeim 27 mörk. Í sumar lék hann tólf leiki með Fjölni, skipti yfir í ÍR í glugganum lék og fimm leiki með liðinu seinni hluta móts. Alls urðu leikirnir í B-deild 100 og mörkin fimm. Á sínum tíma lék Reynir fjóra leiki með U16 landsliðinu.
Fylkismaðurinn Emil Ásmundsson hefur lagt skóna á hilluna. Hann er þrítugur miðjumaður sem uppalinn er hjá Fylki og spilaði lengst á ferlinum með uppeldisfélaginu. Ungur að árum fór hann til Brighton á Englandi og var í þrjú ár. Eftir tímabilið 2019 samdi Emil við KR en meiddist illa, ekki í eina skiptið á ferlinum, og spilaði ekki deildarleik fyrr en í september 2021. Hann sneri svo aftur í Fylki fyrir tímabilið 2022 og lék síðustu fjögur tímablin á ferlinum með uppeldisfélaginu. Hann missti af byrjuninni á þessu tímabili vegna meiðsla, náði að spila ellefu leiki og skoraði í þeim þrjú mörk.
Chris Wilder hefur verið ráðinn aftur sem aðalþjálfari Sheffield United í Championship deildinni eftir nokkra mánuði án starfs. Þetta er í þriðja sinn sem hann er ráðinn í starfið.
Franski varnarmaðurinn Samuel Umtiti er búinn að leggja takkaskóna á hilluna eftir ótrúlega meiðslahrjáðan fótboltaferil.
Brasilíski miðjumaðurinn Lucas Paquetá gæti verið á förum frá West Ham eftir tímabilið, en hann var eftirsóttur í sumar og höfnuðu Hamrarnir tilboði frá Aston Villa undir lok félagaskiptagluggans.
Spænski stjórinn Ruben Selles hefur verið látinn taka poka sinn hjá Sheffield United eftir aðeins fimm leiki. Þetta kemur fram í tilkynningu frá félaginu í dag.
David Datro Fofana er genginn til liðs við Fatih Karagümrük frá Chelsea með kaupmöguleika. Fofana var ekki inn í myndinni hjá Enzo Maresca en hann var orðaður við Preston og Charlton á gluggadeginum.
Þór er komið upp í Bestu deild karla eftir að hafa unnið Þrótt, 2-1, í lokaumferð Lengjudeildarinnar í Laugardalnum í dag. Selfoss er fallið eftir 4-1 tap gegn Keflavíkingum. Njarðvík, Þróttur, HK og Keflavík fara öll í umspil.
Crystal Palace hefur lánað enska vængmanninn Jesurun Rak-Sakyi til tyrkneska félagsins Caykur Rizespor út tímabilið.
Chelsea hefur gengið frá samningi við sóknarmanninn Emanuel Emegha frá Strasbourg í Frakklandi. Leikmaðurinn mun skipta yfir til Chelsea árið 2026, en ekki kemur fram hvort það verði í janúar eða næsta sumar.
Ítalski landsliðsmarkvörðurinn Gianluigi Donnarumma var keyptur til Manchester City í sumar og er hann mjög stoltur af því að spila fyrir enska stórveldið eftir fjögur ár hjá Paris Saint-Germain.
Tyrkneska félagið Trabzonspor er búið að staðfesta félagaskipti markvarðarins André Onana.