Opta taldi tólf skottilraunir frá Mo Salah í leik Liverpool og Brighton í gær. Hann hefur aldrei tekið fleiri skottilraunir í úrvalsdeildinni og er hann sá leikmaður Liverpool, frá því að byrjað var að taka saman skottilraunir 2003-2004, sem hefur átt flestu tilraunirnar í einum leik.
Salah jafnaði tilraunafjölda Zlatan Ibrahimovic frá árinu 2016 en Zlatan reyndi tólf skot í leik Man Utd og Burnley í október það ár.
Salah jafnaði tilraunafjölda Zlatan Ibrahimovic frá árinu 2016 en Zlatan reyndi tólf skot í leik Man Utd og Burnley í október það ár.
Salah var ekki alveg með miðið stillt rétt í leiknum en skoraði þó mark sem reyndist sigurmark leiksins.
Hann hefur nú skorað í þremur leikjum í röð fyrir Liverpool. Hann er kominn með sextán mörk í úrvalsdeildinni á tímabilinu, jafnmörg og Ollie Watkins og Dominic Solanke og eru þeir tveimur mörkum á eftir Erling Braut Haaland sem er markahæstur.
Athugasemdir