Miðjumaðurinn öflugi hefur verið orðaður við Barcelona síðustu árin og það er líklegur áfangastaður ef hann verður á ferðinni í sumar.

Joao Felix, leikmaður Barcelona, segist mikið hafa talað við miðjumanninn um að koma til Katalóníu og vonast til að það verði að veruleika.

„Ef ég væri Deco (yfirmaður fótboltamála hjá Barcelona), þá myndi ég klárlega ná í Bernardo Silva," sagði Felix við Jijantes.

„Hafiði séð hann spila fótbolta? Hann er enn betri manneskja. Hann hefur spurt mig að því hvernig er að vera í Barcelona. Ég sagði að það væri mjög gott fyrir hann að koma hingað."