Fylkir og Valur hafa komist að samkomulagi um að Orri Hrafn Kjartansson gangi til liðs við félagið á lánssamningi út tímabilið. Frá þessu greinir Fylkir á samfélagsmiðlum sínum.
Orri er 22 ára miðjumaður sem keyptur var til Vals frá Fylki eftir tímabilið 2021. Hann var ekki í leikmannahópi Vals gegn Víkingi á mánudaginn og sagði Arnar Grétarsson við Fótbolta.net að Orri væri líklegast á förum frá félaginu, sem raungerist nú þremur dögum síðar. Orri er samningsbundinn Val út tímabilið 2025.
Fylkir varð fyrir áfalli í gær þegar fyrirliði liðsins rifbeinsbrotnaði og spurning hvort að Orri taki hans stöðu á miðsvæðinu í fyrsta leik þegar Fylkir fær KR í heimsókn á sunnudag.
Orri er 22 ára miðjumaður sem keyptur var til Vals frá Fylki eftir tímabilið 2021. Hann var ekki í leikmannahópi Vals gegn Víkingi á mánudaginn og sagði Arnar Grétarsson við Fótbolta.net að Orri væri líklegast á förum frá félaginu, sem raungerist nú þremur dögum síðar. Orri er samningsbundinn Val út tímabilið 2025.
Fylkir varð fyrir áfalli í gær þegar fyrirliði liðsins rifbeinsbrotnaði og spurning hvort að Orri taki hans stöðu á miðsvæðinu í fyrsta leik þegar Fylkir fær KR í heimsókn á sunnudag.
Úr tilkynningu Fylkis:
Orra þarf ekki að kynna fyrir Fylkisfólki en hann kom inn í meistaraflokk Fylkis 2020 aðeins 18 ára gamall og eftir frábæra frammistöðu var hann seldur til Vals árið 2022.
Hann hefur leikið 102 KSÍ leiki og skorað í þeim 13 mörk ásamt því að hafa leikið 25 leiki fyrir yngri landslið Íslands.
Við fögnum því vel að fá Orra aftur heim og hlökkum til að sjá hann aftur í appelsínugulu !
Smelltu hér til að sjá myndbandið sem fylgir tilkynningu Fylkis
Athugasemdir