Cole Palmer var hetja Chelsea þegar liðið vann ótrúlegan sigur á Manchester United í kvöld.
Chelsea var 3-2 undir þegar 98. mínútur voru komnar á klukkuna en þá fékk liðið vítaspyrnu. Palmer skoraði úr henni en það var annað mark hans í leiknum eftir að hann kom liðinu í 2-0 einnig með marki úr vítaspyrnu.
Stuttu síðar fékk Chelsea hornspyrnu og Palmer skoraði í kjölfarið og tryggði liðinu ótrúlegan sigur.
„Þetta var bilaður leikur. Ég vissi ekki hvað ég átti að gera þegar ég skoraði, ég hljóp bara í hringi. Þrenna er þrenna, þetta var mín fyrsta. Ég er mjög ánægður með það," sagði Palmer.
Athugasemdir
