Granada CF 0 - 1 Valencia
0-1 Andre Almeida ('77 )
Varamaðurinn Andre Almeida tryggði Valencia nauman sigur á Granada í spænsku deildinni í kvöld.
Hann skoraði eina mark leiksins þegar skammt var til loka venjulegs leiktíma. Boltinn barst til hans eftir hornspyrnu og hann negldi boltanum í netið.
Hann meiddist snemma á tímabilinu en þetta var aðeins annar leikurinn hans í endurkomunni.
Valencia er 7. sæti með 44 stig, fimm stigum á eftir Real Sociedad sem situr í 6. sætinu sem gefur þátttökurétt í Sambandsdeildinni á næstu leiktíð. Granada er hins vegar í vandræðum, í næst neðsta sæti með 14 stig, 14 stigum frá öruggu sæti.
Athugasemdir