Guðrún Karitas Sigurðardóttir og Helga Guðrún Kristinsdóttir hafa báðar framlengt við Fylki út 2025.
Guðrún er 28 ára gömul og spilar stöðu framherja en hún hefur verið í Fylki frá 2020.
Hún skoraði 15 mörk í Lengjudeildinni á síðasta tímabili er Fylkir komst upp í Bestu deildina. Endaði hún næst markahæst í deildinni en þar að auki gerði hún fjögur mörk í bikar.
Guðrún er uppalin á Akranesi og hóf feril sinn hjá ÍA en hún hefur einnig spilað með KR, Stjörnunni og Val.
Helga Guðrún er 26 ára kantmaður sem kom til Fylkis frá Grindavík fyrir tveimur árum.
Síðasta sumar skoraði hún átta mörk og lagði upp níu í Lengjudeildinni og átti þar stóran þátt í að koma liðinu upp.
Helga er uppalin í Grindavík en hefur einnig spilað fyrir Stjörnuna og AO Trikala í Grikklandi.
Athugasemdir