Franski vinstri bakvörðurinn Melvin Bard er á blaði hjá Manchester United fyrir sumargluggann en þetta kemur fram í Evening Standard.
Bard er 23 ára gamall og spilar með Nice í heimalandinu en hann hefur heillað í frönsku deildinni á þessu tímabili.
Evening Standard hefur heimildir fyrir því að Bard sé á lista hjá enska úrvalsdeildarfélaginu Manchester United.
Félagið vill fá inn vinstri bakvörð fyrir næstu leiktíð en það hefur verið í miklum vandræðum með þá stöðu á tímabilinu. Luke Shaw og Tyrell Malacia hafa verið mikið frá vegna meiðsla.
Talið er að það væri fremur auðvelt fyrir United að fá Bard frá Nice í ljósi þess að Sir Jim Ratcliffe, nýr hluteigandi í United, er einnig eigandi franska úrvalsdeildarliðsins.
Annar varnarmaður Nice, Jean-Clair Todibo, hefur einnig verið orðaður við United síðustu mánuði.
Athugasemdir