Jurgen Klopp, stjóri Liverpool, hefur verið sektaður um 8000 pund (1,2 milljónir íslenskar króna) af enska knattspyrnusambandinu fyrir fagnaðarlæti sín gegn Everton um helgina.
Klopp missti sig í gleðinni þegar Divock Origi skoraði sigurmarkið á 96. mínútu en hann hljóp inn á völlinn og faðmaði markvörðinn Alisson.
Í gær var Klopp ákærður af enska knattspyrnusambandinu og hann ákvað að áfrýja ákærunni ekki.
Enska sambandið hefur í kjölfarið sektað Klopp og gefið honum aðvörun um að endurtaka ekki þennan leik í framtíðinni.
Klopp fer hins vegar ekki í leikbann og hann verður því á sínum stað þegar Liverpool heimsækir Burnley á Turf Moor annað kvöld.
Sjá einnig:
Myndband: Klopp trylltist eftir sigurmarkið
Athugasemdir