Íslenska kvennalandsliðið er að vinna Pólland, 2-0, í undankeppni Evrópumótsins á Kópavogsvelli, en rétt í þessu var flautað til loka fyrri hálfleiks.
Lestu um leikinn: Ísland 3 - 0 Pólland
Sóknarmenn Póllands voru erfiðar viðureignar framan af í fyrri hálfleiknum.
Fanney Inga Birkisdóttir varði frábærlega áður en hún truflaði Ewu Pajor sem setti frákastið í slá og yfir. Þær héldu áfram að ógna en íslenska vörnin stóð það af sér.
Það var síðan undir lok hálfleiksins sem hlutirnir voru að fara Íslandi í hag.
Malgorzata Mesjasz skoraði sjálfsmark eftir að Bryndís Arna Níelsdóttir hitti boltann illa. Mesjasz skallaði boltann í eigið net áður en Diljá Ýr Zomers tvöfaldaði forystuna með skalla eftir fyrirgjöf Sveindísar Jane Jónsdóttur.
Diljá verið sjóðandi heit undanfarna mánuði en hún er markahæst í belgísku úrvalsdeildinni og tók formið greinilega með sér inn í landsliðsverkefnið. Bæði mörkin má sjá hér fyrir neðan.
Ísland er komið yfir! Flott sending Hildar, Glódís og Bryndís gera svo mjög vel og þetta endar með sjálfsmarki Mesjasz ???????? pic.twitter.com/ZYraGawtbS
— RÚV Íþróttir (@ruvithrottir) April 5, 2024
Diljá Ýr Zomers tvöfaldar forystuna! Sveindís Jane gerir vel og kemur með flotta fyrirgjöf sem Diljá Ýr skallar í markið. 2-0 ???????? pic.twitter.com/EhJFzfZXp0
— RÚV Íþróttir (@ruvithrottir) April 5, 2024
Athugasemdir