Salah meiddist svo í Afríkukeppninni í janúar og hefur neyðst til að vera í stúkunni og horfa á meðan Liverpool hefur unnið deildabikarinn, komist áfram í FA-bikarnum og haldið áfram öflugu skriði í deildinni.

Hann gæti hinsvegar snúið aftur í leiknum gegn Sparta Prag í Evrópudeildinni, 16-liða úrslitum, á fimmtudag.

Markvörðurinn Caoimhin Kelleher tók einnig þátt í æfingunni af fullum krafti en sögusagnir voru á samfélagsmiðlum um að hann væri eitthvað meiddur. Þær virðast ekki á rökum reistar.

Liverpool flýgur til Prag og mun Jurgen Klopp sitja fyrir svörum á fréttamannafundi í kvöld þar sem hann mun vafalítið vera spurður út í stöðuna á Salah.