Enska úrvalsdeildarfélagið Burnley hefur náð samkomulagi við hollenska hægri bakvörðinn Shurandy Sambo um að ganga í raðir félagsins í sumar en þetta segir hinn afar áreiðanlegi Fabrizio Romano á X.
Sambo er 22 ára gamall og er í dag á mála hjá PSV í heimalandinu en samningur hans rennur út í sumar.
Hann ætlar ekki framlengja við félagið og hefur því verið að líta í kringum sig.
Romano segir að Burnley hafi nú náð samkomulagi við Sambo um að ganga í raðir félagsins í sumar.
Varnarmaðurinn mun skrifa undir fjögurra ára samning við Burnley en samningurinn verður ekki opinberlega kynntur fyrr en í lok tímabils.
Sambo á 24 landsleiki að baki fyrir yngri landslið Hollands.
Athugasemdir