The Mirror fjallar um það í dag að Alonso sé með riftunarákvæði í núgildandi samningi sínum sem gerir öðrum félögum kleift að kaupa hann lausan með því að greiða Leverkusen 13 milljónir punda.

Það ákvæði tekur hins vegar ekki gildi fyrr en á næsta ári.

Alonso er 42 ára og lék hann á sínum ferli með Real Sociedad, Eibar, Liverpool, Real Madrid og svo Bayern Munchen. Hann tók við stjórnartaumunum hjá Leverkusen árið 2022.

Leverkusen er svo gott sem búið að tryggja sér þýska titilinn og er enn möguleiki á því að liðið vinni einnig þýska bikarinn og Evrópudeildina.