Federico Gatti var hetja Juventus sem vann Fiorentina, 1-0, á Allianz-leikvanginum í Seríu A á Ítalíu í kvöld.

Ítalski leikmaðurinn skoraði sigurmarkið á 21. mínútu eftir hornspyrnu. Danilo átti skalla sem fór í tréverkið og til Gatti sem gat ekki annað en skilað boltanum í netið.

Dusan Vlahovic kom boltanum í netið í annað sinn um tíu mínútum síðar en hann var rétt yfir innan og markið því dæmt af.

Fiorentina átti hvert dauðafærið á eftir öðru á síðasta hálftímanum. Nico Gonzalez skaut hnitmiðuðu skoti sem stefndi í samskeytin fjær en Wojciech Szczesny náði að blaka boltanum í slá. Þá björguðu Juventus-menn á síðustu stundu á 84. mínútu eftir álitlega sókn gestanna.

Juventus vann leikinn 1-0 og er því áfram í 3. sæti með 62 stig en Fiorentina í 10. sæti með 43 stig.