Ef horft er í leikmannahóp Fram sést að þar eru margir kostir í boði fyrir Rúnar Kristinsson þegar kemur að stöðu hægri bakvarðar.
Sigfús Árni Guðmundsson og Adam Örn Arnarson voru í hópnum á síðasta tímabili og svo bættust þeir Kennie Chopart og Alex Freyr Elísson við í vetur.
Sigfús Árni Guðmundsson og Adam Örn Arnarson voru í hópnum á síðasta tímabili og svo bættust þeir Kennie Chopart og Alex Freyr Elísson við í vetur.
Lestu um leikinn: Fram 2 - 0 Vestri
Rúnar ræddi við Fótbolta.net í liðinni viku og var grínast með að hann væri með mjög marga hægri bakverði í hópnum.
„Við erum með mjög marga hægri bakverði og mjög marga miðverði, erum ágætlega vel settir þar. Við erum búnir að vera púsla þessu einhvern veginn saman, en það eru einhver meiðsli. Hlynur Atli (Magnússon) er meiddur og ekkert búinn að æfa síðan ég kom. Hann þurfti að fara í aðgerð rétt fyrir jól. Brynjar (Gauti Guðjónsson) er búinn að vera inn og út, smávægileg meiðsli að stríða honum og Kyle (McLagan) er búinn að æfa mjög lítið í vetur."
„Fyrir vikið eru Þengill (Orrason) og Þorri (Stefán Þorbjörnsson) búnir að spila mikið og fá mínútur sem er mikilvægt fyrir okkur líka upp á breiddina. Við höfum verið að leita að besta kerfinu fyrir liðið. Það hefur tekið langan tíma, en ég held að það sé að blessast," sagði Rúnar í liðinni viku.
Fram mætir núna klukkan 13:00 liði Vestra í 1. umferð Bestu deildinni. Alex, Kennie, Kyle, Þorri og Már Ægisson eru í varnarlínunni í dag.
Athugasemdir