Wout Weghorst, fyrrum leikmaður Manchester United, skoraði fyrsta mark Hoffenheim í 3-1 sigrinum á Augsburg. Andrej Kramaric tvöfaldaði forystuna þremur mínútum síðar með flottu skoti fyrir utan teig og fóru heimamenn því með góða forystu inn í hálfleikinn.

Ermedin Demirovic minnkaði muninn með skoti á nærstöngina á 61. mínútu og var Augsburg nálægt því að jafna metin stuttu síðar eftir hornspyrnu en Weghorst var réttur maður á réttum stað og bjargaði á línu með því að skalla frá.

Framherjinn Ihlas Bebou tryggði sigurinn með marki undir lok leiks með frábæru skoti úr þröngu færi, efst upp í hornið. Sterkur sigur hjá Hoffenheim sem er í 8. sæti með 36 stig, eins og Augsburg sem er í sætinu fyrir ofan.

Borussia Mönchengladbach vann Wolfsburg með sömu markatölu.

Ridle Baku skoraði á 7. mínútu með skoti úr miðjum teignum eftir fyrirgjöf frá hægri. Ko Itakura jafnaði snemma í síðari hálfleik með hjálp frá varnarmanni Gladbach, en hann lét vaða fyrir utan teig og breytti boltinn svakalega um stefnu og í netið.

Gladbach svaraði sex mínútum síðar er Nathan Ngoumou lagði boltann í netið af stuttu færi áður en Rocco Reitz gerði þriðja og síðasta markið á 88. mínútu með föstu skoti efst upp í hægra hornið.

Gladbach er í 11. sæti með 31 stig en Wolfsburg í 14. sæti með 28 stig.

Wolfsburg 1 - 3 Borussia M.
1-0 Ridle Baku ('7 )
1-1 Ko Itakura ('52 )
1-2 Nathan Ngoumou ('58 )
1-3 Rocco Reitz ('88 )

Hoffenheim 3 - 1 Augsburg
1-0 Wout Weghorst ('17 )
2-0 Andrej Kramaric ('20 )
2-1 Ermedin Demirovic ('61 )
3-1 Ihlas Bebou ('90 )