Mynd: John Walton

Bayern hefur verið í miklum vandræðum í þýsku deildinni en Arsenal er komið á toppinn í úrvalsdeildinni eftir að Liverpool gerði jafntefli í erkifjendaslagunum á Old Trafford um helgina.

Leverkusen er á toppi þýsku deildarinnar undir stjórn spánverjans Xabi Alonso en landi hans, Mikel Arteta stjóri Arsenal var spurður að því á fréttamannafundi fyrir leikinn á morgun hvort hann hafi fengið ráð frá Alonso hvernig ætti að vinna Bayern.

„Frábær spurning en ég ætla ekki að svara henni," sagði Arteta.

Leverkusen fór illa með Bayern og vann 3-0 í síðari leik liðanna í deildinni fyrr á þessu ári.