Heimild: Stöð 2 Sport
Jajalo fær gagnrýni eftir leikinn í gær.
KA og HK gerðu 1-1 jafntefli í 1. umferð Bestu deildarinnar í gær en Kristijan Jajalo markvörður KA var ekki sannfærandi í jöfnunarmarki HK-inga.
Talsverð umræða hefur verið um markvarðarstöðuna hjá KA og hvort liðið þurfi að fá sér betri mann í rammann.
Talsverð umræða hefur verið um markvarðarstöðuna hjá KA og hvort liðið þurfi að fá sér betri mann í rammann.
Lestu um leikinn: KA 1 - 1 HK
„Kristijan Jajalo er alltof aumur þarna, og er eiginlega bara 'búllýaður'. Hæsti maður vallarins, Atli Þór Jónasson, skallar boltann nánast bara í autt markið," sagði Ríkharð Óskar Guðnason, íþróttafréttamaður á Stöð 2 Sport, um jöfnunarmark HK í Tilþrifunum.
Sigurbjörn Hreiðarsson, sérfræðingur, tók undir þetta.
„Þarna verður markvörðurinn að gera betur, það er alveg á hreinu. HK-ingar gera þetta vel með því að fara í hrúgu á hann og trufla hann. En KA menn eru ekki ánægðir með að fá svona mark á sig og vinna ekki leik þar sem þeir eru miklu betri," sagði Sigurbjörn.
KA var 64% með boltann og átti 26 marktilraunir gegn 7 frá HK, 13 hornspyrnur gegn 1. En þrátt fyrir mikla yfirburði tókst KA ekki að vinna leikinn. Maður leiksins var án nokkurs vafa Arnar Freyr Ólafsson, markvörður HK.
Athugasemdir
