Heimild: mbl.is
Sergine Fall, leikmaður Vestra, er ekki rifbeinsbrotinn eftir bílveltuna um liðna helgi. Samúel Samúelsson hjá Vestra segir við mbl.is að leikmanninum væri aðeins illt í rifbeininu en stefndi á æfingu á fimmtudaginn.
„Hann er bara ferskur. Hann kom vestur með flugi seinnipartinn í gær og var bjartsýnn á að æfa á fimmtudaginn sagði hann," segir Samúel við mbl.
„Hann er bara ferskur. Hann kom vestur með flugi seinnipartinn í gær og var bjartsýnn á að æfa á fimmtudaginn sagði hann," segir Samúel við mbl.
Eftir að Vestri tapaði gegn Fram um helgina þá missti ökumaður eins af bílunum sem fluttu leikmenn til Ísafjarðar stjórn á bíl sínum og hann valt.
Fall var fluttur á sjúkrahús í Reykjavík til skoðunar en sem betur fer reyndust meiðsli hans ekki alvarleg. Talinn var möguleiki á rifbeinsbroti en svo reyndist ekki vera.
Vestri heimsækir Breiðablik í 2. umferð Bestu deildarinnar á laugardaginn.
Athugasemdir