Heimild: Tipsbladet
Danski blaðamaðurinn Mikkel Fuhr Nielsen greinir frá því á Tipsbladet að Lyngby sé að ganga frá samkomulagi við Norrköping um kaup á Andra Lucasi Guðjohnsen.
Andri Lucas er á láni hjá Lyngby út þessa leiktíð og á danska félagið möguleika á að kaupa hann fyrir um það bil 2 milljónir danskra króna.
Lyngby hefur átt í löngum og erfiðum viðræðum við Norrköping um Andra en nú virðast þær vera komnar langt á veg.
Tipsbladet segir að Andri muni gera þriggja ára samning við Lyngby.
Íslenski landsliðsmaðurinn hefur verið frábær í Danmörku en hann er með 11 mörk í 25 leikjum í deild- og bikar.
Norrköping fékk Andra frá Real Madrid árið 2022 en fékk aldrei raunverulegt tækifæri til að eigna sér framherjastöðuna í Svíþjóð og því lánaður til Lyngby, þar sem hann hefur svo sannarlega blómstrað.
Athugasemdir