Ísland fagnar marki gegn Póllandi.
Eftir sigurinn gegn Póllandi.
Íslenska kvennalandsliðið spilar við Þýskaland í borginni Aachen á eftir en flautað verður til leiks klukkan 16:10. Þetta er annar leikur Íslands í undankeppni EM 2025 en fyrsti leikurinn var 3-0 sigur gegn Póllandi á Kópavogsvelli síðasta föstudag.
Leikurinn í dag verður auðvitað í beinni textalýsingu á Fótbolta.net og svo verða viðtöl eftir leik.
Leikurinn í dag verður auðvitað í beinni textalýsingu á Fótbolta.net og svo verða viðtöl eftir leik.
Það er óhætt að segja að aðstæður séu aðeins öðruvísi hér í Þýskalandi en á Íslandi. Það er búið að vera mjög kalt á Íslandi og var hitinn við frostmark síðasta föstudagskvöld.
Áhorfendur á leikjum í Bestu deildinni hafa þá gengið út af völlum með frosna fætur síðustu daga.
En hér í Þýskalandi er hitinn í kringum tólf gráðurnar í dag og veðrið mjög fínt. Vorið er svo sannarlega komið í Aachen og það styttist í sumar en búist er við rúmlega 20 gráðu hita núna um helgina.
Góð mæting á völlinn
Það er þá búist við góðri mætingu á Tivoli völlinn í Aachen í dag en þýska knattspyrnusambandið sagði frá því í gær að um 15 þúsund miðar væru seldir á leikinn.
Völlurinn er með pláss fyrir rúmlega 27 þúsund manns í landsleikjum og verður gaman að sjá stemninguna sem mun myndast á vellinum á eftir.
Athugasemdir
