Það eru aðeins tvö stig sem skilja liðin að í evrópubaráttunni, þar sem Atalanta er tveimur stigum fyrir ofan Napoli og með leik til góða. Ítalíumeistararnir hafa átt arfaslakt tímabil en eru einbeittir að því að eiga góðan lokasprett.

Hinn funheiti Albert Guðmundsson verður þá væntanlega á sínum stað í framlínu Genoa sem tekur á móti fallbaráttuliði Frosinone í nýliðaslag, en Albert og félagar sigla lygnan sjó í neðri hluta deildarinnar - tíu stigum frá fallsvæðinu.

Lazio og Juventus eigast svo við í spennandi slag áður en Fiorentina tekur á móti AC Milan.

Þar er um að ræða tvo gríðarlega áhugaverða leiki, þar sem Lazio og Fiorentina eru í baráttu um evrópusæti á meðan Juve og Milan sitja þægilega í meistaradeildarsætum.

Leikir dagsins:
11:30 Napoli - Atalanta
14:00 Genoa - Frosinone
14:00 Torino - Monza
17:00 Lazio - Juventus
19:45 Fiorentina - Milan