Ronaldo var í byrjunarliði Al-Nassr en tókst ekki að komast á blað í fyrri hálfleiknum.

Al-Nassr leiddi með tveimur mörkum gegn einu. Otavio og Abdulrahman Ghareeb gerðu mörkin.

Gestirnir voru manni færri og nýtti Ronaldo sér það í síðari hálfleiknum með því að skora þrennu. Hann skoraði tvö á tæpum tveimur mínútum og þriðja markið kom síðan undir lok leiksins.

Ronaldo er með 26 mörk í 23 deildarleikjum á tímabilinu og er áfram markahæstur, fjórum mörkum á undan Aleksandar Mitrovic sem skoraði tvö mörk í 4-3 sigri Al-Hilal á Al Shabab.

Al-Hilal er á toppnum með 71 stig, tólf stigum á undan Al-Nassr.