Fótbolti.net

fös 30. ágúst 2019 12:00

Magnús Már Einarsson

Logi Bergmann spáir í leiki helgarinnar á Englandi

Logi Bergmann og Eiður Smári á Old Trafford á dögunum.

Mynd: .

Kane skorar sigurmarkið í Lundúnarslagnum samkvæmt spá Loga.

Mynd: Getty Images

Sóli Hólm, formaður Liverpool samfélagsins, var með fimm rétta þegar hann spáði í leikina í ensku úrvalsdeildinni um síðustu helgi.

Logi Bergmann Eiðsson, sem kemur að dagskrárgerð í enska boltanum hjá Símanum, spáir í leikina að þessu sinni. Logi fylgist vel með en hann var meðal annars í beinni frá Old Trafford í fyrstu umferðinni þegar Manchester United og Chelsea mættust.

Southampton 0 - 3 Manchester United (11:30 á morgun)
Ef United vinnur ekki Southampton þá er fokið í flest skjól. En ég held að þetta sé að koma. Spurning bara hver klúðrar víti í leiknum

Chelsea 3 - 1 Sheffield United (14:00 á morgun)
Hef ekki mikla trú á Sheffield og Chelsea er að rétta úr sér eftir erfiða byrjun. Það er erfitt að vera án Hazard en þeir hljóta að ná tökum á því.

Crystal Palace 2 - 1 Aston Villa (14:00 á morgun)
Aston Villa sýndi gegn Everton að það býr eitthvað í þessu liði og Wesley kemur mjög sterkur inn. En Crystal Palace er með fínt lið. Verður samt mikil barátta

Leicester 2 - 0 Bournemouth (14:00 á morgun)
Skil ekkert í þessu Bournmouth liði. Stundum frábært og stundum hræðilegt. Held að það verði seinni kosturinn..

Manchester City 4 - 1 Brighton (14:00 á morgun)
Hér er bara spurning um hve stór sigurinn verður. City er á ótrúlegu skriði. Sterling og Aguero skora báðir.

Newcastle 2 - 1 Watford (14:00 á morgun)
Maður getur ekki annað en haldið með Newcastle. Furðulegt lið og furðuleg stefna en stórt hjarta.

West Ham 2 - 2 Norwich (14:00 á morgun)
Hver hefði trúað því að Pukki ætti eftir að verða með markahæstu mönnum í þessari deild. Hann skorar en það dugar ekki.

Burnley 1 - 3 Liverpool (16:30 á morgun)
Liverpool er að spila frábærlega og Burnley hefur ekki alveg fundið taktinn. Held samt að það verði smá spenna í þessu.

Everton 2 - 1 Wolves (13:00 á sunnudag)
Gylfi skorar 60. markið sitt í þessum leik. Everton þarf aðeins lengri tíma til að ná að slípa sig en þetta er að koma.

Arsenal 2 - 3 Tottenham (15:30 á sunnudag)
Tottenham hefur þetta með naumindum. Sigurmarkið kemur í lokin. Sennilega Kane. Alltaf gaman að sjá þessi lið berjast og ekki mikil vinátta.

Sjá fyrri spámenn:
Aron Einar Gunnarsson (7 réttir)
Sóli Hólm (5 réttir)
Arnór Sigurðsson (4 réttir)

		L	U	J	T	ms:	mf:	mun	Stig
1	Arsenal	35	25	5	5	85	28	+57	80
2	Man City	34	24	7	3	82	32	+50	79
3	Liverpool	35	22	9	4	77	36	+41	75
4	Aston Villa	35	20	7	8	73	52	+21	67
5	Tottenham	33	18	6	9	67	52	+15	60
6	Man Utd	34	16	6	12	52	51	+1	54
7	Newcastle	34	16	5	13	74	55	+19	53
8	West Ham	35	13	10	12	56	65	-9	49
9	Chelsea	33	13	9	11	63	59	+4	48
10	Bournemouth	35	13	9	13	52	60	-8	48
11	Wolves	35	13	7	15	48	55	-7	46
12	Brighton	34	11	11	12	52	57	-5	44
13	Fulham	35	12	7	16	51	55	-4	43
14	Crystal Palace	35	10	10	15	45	57	-12	40
15	Everton	35	12	8	15	37	48	-11	36
16	Brentford	35	9	8	18	52	60	-8	35
17	Nott. Forest	35	7	9	19	42	62	-20	26
18	Luton	35	6	7	22	48	77	-29	25
19	Burnley	35	5	9	21	38	70	-32	24
20	Sheffield Utd	35	3	7	25	34	97	-63	16