Lundúnaliðið spilaði agaðan varnarleik og gaf Man City ekki mikið andrými til að skapa færi.

Arsenal var ákveðið í að fá að minnsta kosti stig úr leiknum og tókst það.

Lærisveinar Arteta eru þeir fyrstu í þrjú ár til þess að ná að halda hreinu á Etihad. Ótrúlegt en satt þó var það Southampton sem tókst síðast að halda hreinu.

Það gerðist 18. september árið 2021. Man City átti sextán skot í þeim leik en aðeins eitt sem fór á markið.

Þá er Arsenal aðeins þriðja liðið til að halda hreinu tvisvar á sama tímabilinu gegn liði Pep Guardiola, en Man Utd gerði það tímabilið 2020-2021 og Crystal Palace tímabilið á eftir.