Kolbeinn Finnsson, Sævar Atli Magnússon og Andri Lucas Guðjohnsen voru allir í byrjunarliði Lyngby þegar liðið steinlá gegn Randers í fyrstu umferð í neðri hluta dönsku deildarinnar.
Randers komst í 3-0 en Andri minnkaði muninn undir lok fyrri hálfleiks eftir undirbúning Kolbeins. Randers svaraði með þremur mörkum í viðbót áður en Lyngby gat svarað og 6-2 lokatölur.
Lyngby er í 10. sæti deildarinnar með 23 stig, fjórum stigum frá fallsæti.
Alfons Sampsted var tekinn af velli í hálfleik þegar Twente vann 1-0 sigur á Heracles í hollensku deildinni.
Twente er í 3. sæti með 56 stig, fjórum stigum á undan AZ Alkmaar og 12 stigum á undan Ajax en efstu þrjú liðin tryggja sér sæti í Meistaradeildinni.
Athugasemdir