Kalvin Phillips miðjumaður West Ham hefur vægast sagt átt erfitt uppdráttar hjá félaginu síðan hann gekk til liðs við það frá Man City í janúar á láni.
Hann hefur komið við sögu í sjö leikjum en hann fékk m.a. að líta rauða spjaldið í leik liðsins gegn Nottingham Forest um miðjan febrúar.
Hann byrjaði á bekknum í gær þegar West Ham heimsótti Newcastle. West Ham var með 3-1 forystu þegar Phillips kom inn á sem varamaður en hann gaf vítaspyrnu stuttu síðar. Alexander Isak skoraði úr henni og Harvey Barnes fylgdi því eftir með tveimur mörkum og tryggði Newcastle sigurinn.
Á leiðinni í liðsrútuna eftir leikinn mættu stuðningsmenn West Ham og öskruðu á miðjumanninn og sögðu hann m.a. gagnslausan. Phillips tók ekki vel í það og þegar hann steig inn í rútuna gaf hann stuðningsmönnunum fingurinn.
Kalvin Phillips reacts to abuse from fans with the middle finger????????pic.twitter.com/e9QinUZAXu
— The 44 ?? (@The_Forty_Four) March 30, 2024